Kálfaklór og kynþokki á fyrra undankvöldi

Það var heilmikið um að vera á Júróvisjon-sviðinu í Kænugarði á þriðjudagskvöldið þegar fyrri undanriðillinn fór fram. Við litum á það sem okkur fannst standa upp úr!

Kvöldið hófst auðvitað á sprengju þegar sænska sjarmatröllið Robin Bengtson skrúfaði kynþokkann í botn strax á fyrstu sekúndunum lags síns, kveikti á litlu brosi og horfði beint inn í hjörtu áhorfenda!

Robin bengtson

Mynd: youtube.com

Í kjölfarið hófst skikkjusýning sem lauk eftir að skikkjan hennar Svölu blakti undir kraftmiklum söng hennar. Tvær skikkjur voru hvítar, hjá Svölu og Linditu frá Albaníu en hin georgíska Tamara skartaði rauðri skikkju. Allar sátu þær eftir og því spurning hvort það sé vísbending fyrir skikkjur seinna undankvöldsins!

Það er ekki oft sem flytjendur á júróvisjon-sviðinu standa kyrrir enda snýst júróvisjon mikið um dans, bros og gleði! Fyrri undanriðilinn í ár bauð okkur þó upp á tvær konur, báðar í svörtum síðkjól, sem stóðu grafkyrrar allar 3 mínúturnar sem þær höfðu á sviðinu. Þetta voru auðvitað þær Leena frá Finnlandi og Blanche frá Belgíu.

Kýpverjar voru greinlega innblásnir af skapstóru ítölsku Línunni en þeir læddust um á línu á sviðinu og áttum við allt eins von á því að sjá höndina koma, stroka línuna út og teikna eitt stykki kameldýr fyrir þá!

Og svona rétt á meðan Kýpverjarnir léku sér á línunni ákváðu Grikkir að hafa með sér tvo polla sem dansararnir þeirra gátu leikið sér í!

grikkland - andres putting

Mynd: eurovision.tv

Þá hefur það nú líklega aldrei gerst áður að þrír karlmenn klóra sér á kálfanum á sama tíma eins og vinir okkar í Sunstroke Project gerðu.

moldovar klora ser

Mynd: youtube.com

Magnaðasta augnablikið var þó þegar salurinn hljóðnaði þegar Salvador frá Portúgal steig á svið og söng gullfallega lagið sitt Amar Pelos Dois.

porugal

Mynd: youtube.com

Seinni undanriðilinn mun án efa bjóða upp á margskonar eftirminnileg atriði og bíðum við spenntar að sjá hvað gerist!

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s