Veðbankatjékk: Það síðasta fyrir Júróvikuna sjálfa!

pizap.com14909725607631

ÍÍííísskr… nú eru bara fjórir dagar þar til Svala stígur á svið í fyrri undankeppninni! Höldum við þetta út? Hvernig er hægt að vera svona spenntur svona lengi? Og næst á dagskrá, nú eftir að æfingarnar eru komnar vel á veg og Big 5 farin að æfa líka, er að tékka á veðbankaspám.

Í gegnum tíðina hefur það nefnilega verið þannig að um leið og æfingarnar hefjast, taka línur að breytast í veðbönkunum. Oft eru lögin valin innbyrðis og það eina sem hægt er að nálgast stúdíóupptökur sem erfitt er að meta lifandi flutning út frá. Í seinni tíð hafa ýmsir aðdáendaviðburðir og partí bætt úr þessu, því að þá fá flytjendur tækifæri til að koma fram og sýna sig og sannfæra aðdáendur um að þeir hljómi nú einmitt akkúrat eins og á upptökunum… eða alls ekki!

Ef við lítum á veðbankayfirlitið hér fyrir neðan, sést einmitt það: Belgía er alveg dottin úr forustunni (nema í aðdáendakosningunni Big Poll frá OGAE) því að greyið Blanche hefur ekki alveg átt sjö dagana sæla á æfingunum. Mikil hreyfing er líka á öðrum löndum og við gætum ekki verið ánægðari að sjá Portúgal þarna á hæla nakta ítalska apans. Portúgal! Hverjum hefði dottið það í hug? Portúgalir sem hafa verið með í keppninni frá árinu 1964 og hæst komist í 5. sæti! Það eitt að vera spáð svona góðu gengi hlýtur að vera sigur út af fyrir sig!

Kristian hinn búlgarski og Robin frá Svíþjóð dala aðeins, sérstaklega Svíinn en gaman er að sjá að Kristian og sviðssetningin hans á Beautiful Mess stóð undir væntingum í veðbönkunum. Hann gæti mögulega velgt Poli Genova undir uggum sem einn besti árangur Búlgara í keppninni – en spyrjum að leikslokum.

Armenía kemur líka sterk inn í toppfimm en hún hefur staðið sig vel á sviðinu og atriðið er mjög stílhreint með skemmtilegum dansi og góðum flutningi.

Veðbanki Nr. 1 Nr. 2 Nr. 3 Nr. 4 Nr. 5
Oddschecker.com Ítalía Portúgal Búlgaría Svíþjóð Armenía
Paddypower.com Ítalía Portúgal Svíþjóð Búlgaría Armenía
William Hill Ítalía Portúgal Búlgaría Svíþjóð Armenía
Nicerodds.co.uk Ítalía Búlgaría Portúgal Svíþjóð Armenía
OGAE Big Poll Ítalía Belgía Svíþjóð Frakkland Eistland

Hvernig var þetta svo í fyrra? Eins og sést hér skoðuðum við stöðuna 2 dögum fyrir keppni í fyrra. Úrslitin voru þó ekki eins og niðurstöður veðbankanna en nálægt þeim engu að síður:

Veðbankar Úrslit
Rússland 1. sæti 3. sæti
Úkraína 2.-3. sæti 1. sæti
Frakkland 2.-3. sæti 6. sæti
Svíþjóð 4.-5. sæti 5. sæti
Ástralía 4.-5. sæti 2. sæti

Og svo er það gengi Íslands í veðbönkunum þegar stutt er í að Svala stigi á svið:

17d8213f5523998ae2613af0bdff8d03

Veðbanki Ísland
Oddschecker.com 34. sæti
Paddypower.com 24. sæti
William Hill 22. sæti
ESC stats.com 22. sæti
Nicerodds.co.uk 24. sæti
OGAE Big Poll 24. sæti

 

Veðbankarnir eru ekki bjartsýnir á gengi Íslands og það er miður, og nokkuð í samræmi við það sem gengur meðal blaðamanna úti í Kænugarði. Hins vegar eru spárnar ekki allt og við eigum enn eftir að sjá hvernig viðtökurnar verða á þriðjudaginn. Krossum fingur og tær og vonum að allt gangi upp – Svala á eftir að massa þetta!

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s