Söngvakeppni Sjónvarpsins 2015: Yfirferð laga á fyrra undankvöldi

Screen Shot 2015-01-31 at 10.01.33

Nú er þessi tími runninn upp á ný og Söngvakeppnisrússíbaninn leggur af stað í kvöld. Framlögin í ár eru hvert öðru betra og greinilegt að standard keppninnar batnar ár frá ári, high-five fyrir RÚV með það!

Við ætlum að skoða lögin sem boðið verður upp á í kvöld, sem eru sannkallaðar kræsingar:

Myrkrið hljótt eftir Arnar Ástráðsson og Ernu Hrönn Ólafsdóttur í flutningi Ernu Hrannar

Eyrún: Erna Hrönn er einn af uppáhalds listamönnunum mínum í Söngvakeppninni og auðvitað fyrir löngu orðinn heimilisvinur þeirra sem horfa á Söngvakeppnina á hverju ári. Manni finnst einhvern veginn e-ð vanta ef hún og Pétur Örn eru ekki að stíga á stokk í janúar (en þau verða bæði með í ár). Ótrúlega gaman að heyra textann hennar, sem er hin besta smíði, og lagið er alveg bærilegasta ballaða með smá elektrópoppi í viðlaginu. Ég held þó að af því að hún er fyrst á svið (og það eru fleiri ballöður í keppninni sem eru sterkar) vinni það ekki alveg með þeim og því kæmi mér ekki á óvart ef Erna Hrönn sæti eftir – en ég vona ekki. Fínt lag sem ég væri alveg til í að sjá á aðalkvöldinu.

Hildur: Erna Hrönn er ábyggilega Íslandsmeistari í Söngvkeppni Sjónvarpsins enda sungið í fjölda laga í þessari keppni. Hún syngur ballöðu eins og að vanda þegar hún er í aðalhlutverki í lögum. Mér þykir lagið nokkuð gott, eiginlega strekasta ballaðan á þessu ballöðu krúttkvöldi og því eiginlega fullviss um að það fjúki áfram í úrslitin.

Þú leitar líka að mér eftir Ástu B. Björgvinsdóttur og Bergrúnu Írisi Sævarsdóttur í flutningi HINEMOA

Eyrún: Sömbutakturinn náði mér svoldið við fyrstu hlustun, og fyrir fram hafði ég ágætis væntingar þar sem ég fílaði vel lagið þeirra frá því í fyrra. Nú veit ég náttúrulega ekki alveg hvernig framsetningin er á sviði en þau þurfa e-ð pínu gimmikk því að annars verður þetta dálítið eins og lyftutónlist. Vona að útkoman verði flott á sviði en á ekki von á að þau komist áfram í úrslitin.

Hildur: Til að vera alveg hreinskilinn þá finnst mér þetta bara svolítið leiðinlegt lag og óeftirminnilegt. Ég er ábyggilega búin að hluta á það 10 síðustu daga en get ekki fyrir mitt litla munað hvernig það er um leið og því líkur. Ég held rétt eins og Eyrún að það verði að vera einhver gimmikk á sviðinu til þess að það verði á einhvern hátt eftirminnilegt og eigi  möguleika á að komast áfram.

Í kvöld eftir Elínu Sif Halldórsdóttur í flutningi hennar sjálfrar.

Eyrún: Krúttlag kvöldsins. 16 ára snillingur en ég veit barasta ekki alveg hvernig þetta á að ná að standa framar hinum og einfaldlega heyrast. Í stúdíóútgáfunni er allt magnað upp en í kvöld verður hún á sviðinu með einni bakrödd (eftir því sem ég best veit). Það er ekki mjög mikið á stóra sviði Háskólabíós. Ég vona innilega að hún komi mér á óvart og ég hafi rangt fyrir mér, því að Elín Sif er mjög efnileg, en ég held ekki að þetta lag slái í gegn í kvöld.

Hildur: Það vantar ekki hæfileikana í Elínu Sif. Lagið er afar krúttlegt og ætti alveg möguleika í ágæta útvarpsspilun. Ég á þó ekki von að það standi næganleg út til þess að ná alla leið í úrslitin en ég vona sannarlega að hvernig sem í kvöld að Elín Sif skelli í fleiri lög fyrir þessa keppni!

Í síðasta skipti eftir StopWaitGo í flutningi Friðriks Dórs Jónssonar.

Eyrún: Jæja, Friðrik Dór í Söngvakeppninni! Flestir eru á því að hann sé fyrir fram sigurstranglegastur og vissulega er hann frábær performer. Ég er hins vegar ekki eins sátt við lagið sem mér finnst hallærislegt og gamaldags og textinn er frekar sérstakur (vo-o-ú-ú-ú fer meira og meira í taugarnar á mér!) – Að því sögðu á ég ekki von á öðru en hann fljúgi áfram í úrslitin. Ét hatt minn ef það gerist ekki!

Hildur: Ég var eiginlega jafn spennt yfir því að Frikki væri loksins mættur í Söngvakeppnina og ég varð fyrir vonbrigðum með að hann ætlaði að taka ballöðu frekar en eitt gott og frábært popplag. Þó Frikki hafi flutt meira en dúndrandi poppslagara þá er þetta lag einhvern vegin svo langt frá því sem hann hefur verið að gera að ég er hrædd um að þetta fari því ekki eins og myndi gera annars. Ég er þó eiginleg fullviss á því að hvernig sem Frikka gengur í kvöld þá flýgur hann áfram í úrslitn, bara fyrir að vera hann sjálfur!

Augnablik eftir Svein Rúnar Sigurðsson í flutningi Stefaníu Svavarsdóttur.

Eyrún: Stefanía snýr aftur með vafalaust bestu ballöðuna í kvöld eftir pásu frá 2013. Lagið er sterkt (en vissulega dálítið týpískt) og flutningur Stefaníu verður fölskvalaus, það er ég viss um. Ég held að þessi ballaða sé í mun betri stöðu sem fimmta lag á svið en t.d. lagið hennar Ernu Hrannar að ná til áhorfenda, t.d. þeirra sem kveikja ekki strax á sjónvarpinu. Nokkuð viss um að þetta er að fara áfram.

Hildur: Líklega ein sterkasta ballaða þessarar keppni, fallegt lag sem verður ábyggilega með allra besta flutningi kvöldsins enda Stefanía mögnuð söngkkona. Þó lagið sé alveg ágætt þá verð samt að viðurkenna að mér finnst vanta it-falktorinn svona til að það verði nægilega frábært til að eiga möguleika á því að komast áfram og ef til kemur möguleika á að hverfa ekki í lagahafið í Vín.

Piltur og stúlka eftir Björn og félaga í flutningi þeirra.

Eyrún: Miðað við aldur og fyrri störf (og að þau verða siðust á svið) eru Björn og félagar að fara að komast áfram. Ég verð nú að viðurkenna að þeirra persónutöfrar og framkoma á sviði trompa lagið sem er það sísta í kvöld að mínu mati. En þetta höfðar sennilega til Nýdanskrarhópsins sem er ansi stór – og Bylgjuhlustendanna sem eru drjúgur hluti þeirra sem kjósa í kvöld.

Hildur: Það var spennandi að heyra að Björn Jörund ætlaði að taka þátt í Söngvakeppninni. Lagið kom svo sem ekkert sérlega á óvart, það er Nýdanskrar bragður á því eiginlega svona eins og ef Nýdönsk hefðið ákveðið að semja eitt stykki „Hjálpum þeim“ lag. Sá bragur verður svo enn meiri með útsetningu og þeirri staðreynd að þau eru fjögur sem flytja lagið. Einhvern vegin gerir þetta svo textann að væminni klisju sem hann hefði ekki endilega þurft að vera. Þó þetta sé ekkert endilega mitt uppáhalds þá held ég að Björn og félagar skelli sér í baráttuna um sæti í úrslitum.

Auglýsingar

Nýliðarnir í Söngvakeppninni 2015

pizap.com14225251667631

Við erum enn í makeover-vinnu og ekki allt búið enn í því. En vertíðin er hefjast enda byrjar Söngvakeppni Sjónvarpsins á laugardaginn og undankeppnir í öðrum löndum margar komnar af stað svo að við látum ekki stoppa okkur þótt makeoverið sé ekki búið og verðum með umfjöllun hér að vanda.

Í ár keppa 12 lög í Söngvakeppni Sjónvarpsins. Tvö undankvöld verða haldin, 31. janúar og 7. febrúar og komast þrjú lög áfram úr hvorri keppni um sig á úrslitakvöldið þann 14. febrúar. Öll kvöldin verða í beinni útsendingu úr Háskólabíói. Hægt er að kaupa sér miða í Háskólabíó á öll kvöldin og fylgjast þannig með herlegheitunum með berum augum!

Það hefur varla farið fram hjá aðdáendum að all nokkrir nýliðar taka þátt í keppninni í ár og eru þeir bæði nýliðar í tónlistinni almennt en líka reynsluboltar úr íslensku tónlistarsenunni. Það hefur loðað við Söngvakeppnina að vel er tekið á móti nýliðum og þeir verða jafnvel fastagestir í mörg ár á eftir og því spennandi að kynnast þeim sem taka þátt í fyrsta sinn í ár. Kíkjum aðeins á þá:

Björn Jörundur Þrátt fyrir að Daníel Ágúst hafi tekið þátt í Eurovision fyrir öllum þessum árum síðan (1989) stígur félagi hans úr Nýdanskri, Björn Jörundur sín fyrstu skref í Söngvakeppni sjónvarpsins í ár. Björn þarf nú ekki að kynna fyrir neinum enda verið áberandi í tónlistinni í meira en tvo áratugi aðalega með fyrrnefndri Nýdanskri. En Björn er líka leikari og hefur komið fram á leiksviðinu og í fjölda kvikmynda. Í Söngvakeppninni fékk Björn með sér nokkra félaga, þar á meðal reynsluboltann Pétur Örn. Lagið sem var samið fyrir keppnina sérstaklega í nettum Hjálpum þeim-stíl og við bíðum spenntar eftir að sjá það útfært á sviði.

Elín Sif Það er alltaf gaman þegar alveg glænýir höfundar koma í Söngvakeppnina og Elín Sif er ein af þeim. Þessi 16 ára mennaskólamær er greinilega hæfileikarík og býður upp á ljúfan og huggulegan ástarsöng. Þótt Elín sé að stíga sín fyrstu skref í Söngkeppninni er hún ekkert algjörlega ný í tónlistinni. Hún stundar nám í Tónveri Tónlistarskólans í Kópavogi auk þess að hafa lært á klarínett og píanó. Þá ku hún hafa tekið þátt í lagasmíðakeppnum í MH!

Friðrik Dór Það eru ábyggilega margir sem hafa beðið eftir að Friðrik Dór taki þátt í Söngvakeppninni. Þar á meðal erum við og nú er hann loksins komin! Þótt Frikki sé nýr í keppninni eru höfundar lagsins, StopWaitGo það alls ekki enda sömdu þeir til að mynda lagið Dönsum burtu blús fyrir keppnina í fyrra. Þótt StopWaitGo séu kannski þekktast fyrir smellin popplög sem Frikki hefur einmitt sungið mörg, sýna þeir og Frikki nýtt andlit með ballöðu sem er sérstaklega samin fyrir keppnina.

Daníel Óliver Daníel ætlar að bjóða okkur upp á eiturhresst europopp en Daníel stígur sín fyrstu skref í keppninni bæði sem höfundur og flytjandi. Daníel tók þátt í Idol Stjörnuleit en er nú búsettur í Svíþjóð þar sem hann starfa við tónlist. Hann er einnig dansari og hefur leikið í auglýsingum. Þá hefur hann gefið út nokkur lög hér á landi. Það er mikil eftirvænting á þessum bæ eftir að sjá atriðið enda höfum við fulla trú á að Daníel Óliver komi með hressan Melfest-brag inn í Söngvakeppnina!

Hildur og Guffi Hér leiða saman hesta sína söngkona Rökkurróar og gítar- og hljómborðsleikar For a minor reflection í elektrópopplagi um fugla sem skiljast að. Þau hafa bæði verið virk í tónlist þó þau stígi hér sín fyrstu skref í Söngvakeppninni ásamt Vigni Rafni og Helgu Kristínu en öll fjögur mynda þau hljómsveitina Sunday sem mun flytja lagið. Þetta telst varla til hefðbundins júróvisionlags og hljómar meira eins og sú tónlistarsena sem minnst hefur tekið þátt í keppninni. Því er afar spennandi að sjá hvernig þjóðin tekur laginu.

Baddi Einhvern veginn átti maður engan veginn von á að sjá Badda birtast í keppninni en það er svo með Söngvakeppnina og Júróvision að allt getur gerst! Baddi er sjálfsagt þekktastur fyrir að vera söngvari hljómsveitarinnar Jeff Who? sem átti góðu gengi að fagna um tíma en þeir ætla einmitt að vera Badda innan handar á sviðinu. Baddi bíður upp á svolítið sérstakt lag sem erfitt er að flokka og því hlökkum við til að sjá hvernig útkoman verður á sviðinu.

Haukur úr Diktu Það þarf nú varla að kynna Hauk Heiðar til sögunnar en hann er þó að þreyta frumraun sína í Söngvakeppninni með lagi Kalla Olgeirs. Haukur sem er einn þriggja lækna sem taka þátt í Söngvakeppninni í ár (hinir: Sveinn Rúnar og Arnar Ástráðsson höfundar Augnabliks og Myrkursins hljóða) hefur getið sér gott orð sem slíkur, m.a. þýtt fræðslubók um líkamann fyrir börn og auðvitað spilað með Diktu. Það verður gaman að sjá hvernig hann tekst á við Söngvakeppnina.

María Ólafsdóttir 21 árs gömul stelpa sem syngur hitt lagið sem StopWaitGo á í Söngvakeppninni í ár og hefur verið að vinna með þeim að ýmsum verkefnum. Hún er líka skelegg leikkona og hefur slegið í gegn í leikfélaginu í Mosfellsbæ sem setti upp Ronju ræningjadóttur þar sem hún lék titilhlutverkið. Hlökkum til að sjá Ronju taka lítil skref á sviðinu!