Mynd: FÁSES OGAE Iceland
Eins og flestir lesendur hafa áttað sig á kom Eyþór Ingi, sá og sigraði í Söngvakeppninni sem haldin var fyrir rúmri viku. RÚV hefur einnig gefið út að lagið fékk þriðjung atkvæða í fyrri atkvæðagreiðslu kvöldsins en tvo þriðju atkvæða í einvíginu sem það háði við lagið Ég syng!
Við á Allt um Júróvisjón óskum Eyþóri, Ögga og Pétri Erni til hamingju og hlökkum til að fylgjast með framgangi mála í maí!
Það er komið að spá Hildar fyrir kvöldið í kvöld:
Ég hef velt keppninni í ár mikið fyrir mér og spáð og spegúlerað í hvað gerir það að verkum að í ár virðist ekki vera neinn afgerandi sigurvegari og engin afgerandi leiðindi eða hryllingur og í raun gætu öll lögin sem keppa á laugardagskvöldið komist í efstu sætin. Að mínu mati liggur ástæðan í ákveðinni meðalmennsku sem virðist einkenna lögin í ár. Hér eru á ferðinni sjö þokkaleg lög, ekkert þeirra er þó mikil snilld, né hefur frábæran texta, þau detta öll í að vera meðalgóð popplög sem flest myndu líklega sóma sér vel í útvarpinu svona rétt á meðan maður brunar í stórmarkaðinn að versla inn fyrir helgina frekar en ná til milljóna áhorfenda í gegnum sjónvarpsskjáinn á 3 mínútum. Þetta er þó alls ekki illa meint, heldur aðeins vangavelta um hvað bíður sigurlagsins.
Þetta er þó það sem boðið er upp á í ár og úr því verðum við að velja. Það sem helst skilur þessi lög að er framsetning þeirra á sviðinu og flutningur. Í framsetningu stendur Birgitta upp úr enda er það eina atriðið sem kemur virkilega vel út í sjónvarpi. Sá sem kemst næst Birgittu í góðri sjónvarpsframsetningu er Eyþór Ingi en mér finnst höfundarnir þar algjörlega hitt naglann á höfuðið með framsetningu sem er bæði í stíl við lagið og kemur vel út í sjónvarpinu og það sama má líka segja um Halla Reynis. Hjá báðum er flutningurinn í aðalhlutverki og þeir skila báðir sínu vel. Annað er lítið spennandi í sjónvarpi og lítur meira út eins og upptaka af sviði frekar en framleiðsla fyrir sjónvarp. Mesta möguleika á að bæta þetta á lagið Ég syng! ef þau losa sig við Tónbæjarstílinn í dansinum og Sollu stirðu-múvin þá yrði það strax betra.
Með framsetningu, flutning og lögin sjálf í huga spái ég eftirfarandi í efstu þrjú sætin:
3. sæti: Lífið snýst/Ég syng!
2. sæti: Ég á líf
1. sæti: Meðal andanna
Ég get ekki með neinu móti gert upp á milli þess hvort Lífið snýst eða Ég syng! verði í þriðja sæti svo ég set bæði. Ég tel þó líklegt að öll þessi fjögur lög geti endaði í efstu tveimur sætunum og því háð einvígi um hvort kemst áfram til Malmö. Spáum því aðeins í möguleikana sem lögin eiga lendi þau í einvígi. Líkt og hjá Eyrúnu er engin vísindi hér á bakvið eða nokkuð annað en eigin tilfinning.
|
Flytjendur efstir eftir blandaða kosningu |
Minni líkur eftir einvígið |
Meiri líkur eftir einvígið |
|
Birgitta og Unnur |
Unnur |
Birgitta |
|
Birgitta og Eyþór |
Eyþór |
Birgitta |
|
Eyþór og Unnur |
Unnur |
Eyþór |
|
Svavar&Hreindís og Eyþór |
Svavar&Hreindís |
Eyþór |
|
Svavar&Hreindís og Birgitta |
Svavar&Hreindís |
Birgitta |
|
Svavar&Hreindís og Unnur |
Svavar&Hreindís |
Unnur |
Samkvæmt þessu myndi Birgitta í flestum tilfellum vinna og Eyþór þar á eftir. Unnur ætti einungis möguleika í keppni við Svavar Knút og Hreindísi sem myndu tapa einvíginu á móti öllum hinum keppendunum þrem.
Það er því ljóst að keppnin verður spennandi í kvöld og ekkert annað að gera en að sitja límdur við skjáinn og sjá hvað gerist!
Upp er runninn Söngvakeppnisdagurinn og ekki laust við að nú hellist yfir mann spennuskjálftinn sem kemur alltaf á þessum degi. Hér birtist spá Eyrúnar fyrir kvöldið:
Margt hefur verið spekúlerað og rýnt í flutning og framlög, jafnt hér sem og í fjölmiðlum síðustu daga. Flestallir hafa skoðun á því hvaða lag kemst alla leið en fæstir eru sammála um hvaða lag það verður. Það hlýtur að þýða að lögin séu nokkuð jöfn að gæðum og flytjendur að vinsældum, væntanlega líka. Sú staðreynd ásamt því að keppnin er með breyttu sniði og efstu lögin tvö verða flutt aftur og kosið eingöngu á milli þeirra gerir það að verkum að afskaplega erfitt er að rýna í röðun laga sem og möguleikana í einvíginu. Ég ætla þó að gera heiðarlega tilraun:
Röðun laga
Fyrsti hluti kosningar er blönduð símakosning og dómnefndarkosning og því verður að miða við fyrirkomulagið og möguleikana eins og þeir hafa birst hingað til. Auðvitað skal það tekið með í reikninginn að flutningur á Eldborgarsviðinu í Hörpu býður upp á frekari útfærslumöguleika og því ekkert víst að allt verði eins og í undankeppnunum. En vegna þess hve stutt er liðið frá undankeppnunum getum við ekki gert ráð fyrir rosalegum breytingum. Svona tel ég að röð þriggja efstu verði:
3. sæti: Unnur (Ég syng!)
2. sæti: Eyþór (Ég á líf)
1. sæti: Birgitta (Meðal andanna)
Hins vegar vil ég svo sannarlega ekki útiloka dúettana tvo, Jógvan og Stefaníu og Svavar Knút og Hreindísi. Ég held hreinlega að bakland hinna flytjendanna sem og lög og flutningur vegi þyngra þegar á hólminn kemur. Mig langar hins vegar að spá dálítið í einvígið.
Einvígið
Ég geri fastlega ráð fyrir að þessi fimm framlög bítist um efstu sætin hvernig sem þau raðast. Það væri dálítið gaman að skoða þau öll sömul út frá því hvort þau lentu í einvígi eða ekki. Tek það fram að ég styðst ekki við neitt annað en eigið brjóstvit í þessum efnum – og þessar kenningar eru auðhrekjanlegar:
| Flytjendur efstir eftir blandaða kosningu | Minni líkur eftir einvígið | Meiri líkur eftir einvígið |
| Birgitta og Unnur | Unnur | Birgitta |
| Birgitta og Eyþór | Eyþór? | Birgitta? |
| Eyþór og Unnur | Unnur | Eyþór |
| Jógvan&Stefanía og Birgitta | Jógvan&Stefanía | Birgitta |
| Jógvan&Stefanía og Unnur | Unnur | Jógvan&Stefanía |
| Svavar&Hreindís og Eyþór | Eyþór | Svavar&Hreindís |
| Eyþór og Jógvan&Stefanía | Jógvan&Stefanía | Eyþór |
| Svavar&Hreindís og Birgitta | Svavar&Hreindís | Birgitta |
| Svavar&Hreindís og Unnur | Svavar&Hreindís | Unnur |
Eina staðan sem ég gæti trúað að yrði hrein pattstaða er ef Eyþór og Birgitta lenda í einvíginu, sem mér finnst þó líkur vera á. Lögin og flytjendurnir eru hvort um sig fremur sterkir kandidatar og því gæti þetta hreinlega orðið keppni milli aðdáenda/áhorfenda hvor hópurinn nær að hringja oftar inn áður en kosningunni lýkur. Ji, væri það ekki spennandi? 🙂
Hauk Johnson þarf varla að kynna en hann hefur einnig verið sérlegur gestaálitsgjafi hjá okkur hér á AUJ og er einnig stjórnarmaður FÁSES. Hann er nú staddur á sænskri grundu og mun vafalítið kynna sér málin vel fyrir komandi Eurovision-keppni í Malmö. Hann gaf sér þó tíma til að spá í úrslitin í Söngvakeppninni á morgun:
Ekki líta undan:
Frá því ég heyrði lagið fyrst og þar til núna hafði ég algjörlega afskrifað þetta lag. En eftir að hafa hlustað á það af athygli og með opnum hug verð ég að viðurkenna að lagið er nokkuð gott og vel samið og útsett.
En það er ekki nóg að hafa gott romm til að gera góðan Mojito og að sama skapi er ekki nóg að hafa vel skrifað lag til að vera með gott Eurovision-framlag. Fyrir mig persónulega er það flytjandi lagsins og framsetningin sem gerir mig afhuga. Fyrir það fyrsta höfum við séð þessa uppstillingu með Magna of oft. Einstaka söngvarar geta haldið uppi slíku lagi einir síns liðs og mér finnst Magni ekki „púlla“ það. Hefði þetta lag fengið rokkaða og kraftmikla konu í dramatískum kjól með góðar bakraddir þá hefði þetta líklega orðið mitt uppáhalds. Magni hefði kannski getað reddað Dilönu vinkonu sinni.
Svo er ég á móti því að dómnefndin taki fram fyrir hendur á þjóðinni sem ekki kaus lagið í þrjú efstu sætin. Hefði samkeppnin verið erfið þá hefði ég skilið það, en að mínu mati þurfti maður að vera ansi óvinsæll til að ná ekki upp úr þessari forkeppni. Þar af leiðandi hef ég ekki miklar væntingar til þessa lags og nema að einhver meiriháttar yfirhalning á framsetningunni ætti sér stað þá held ég að þetta lag myndi lenda í neðstu sætunum í forkeppninni í Malmö.
Lífið snýst:
Hreindís Ylva er óneitanlega mjög krúttleg og sjarmerandi á sviðinu, og ég hef alltaf haft svolítið gaman af því þegar það eru margir að gera allskonar krúttlegt á sviðinu (samanber Love in Rewind með Dino Merlin frá Bosníu 2011). Svavar Knútur… já. Jú, jú, hress en verður samt svolítið meira eins og ef fatlaði bróðirinn í Something About Mary hefði verið karakter í The Shining. Ögn krípí og gæti knúsað lífshættulega fast.
Lagið er huggulegt, og minnir mjög mikið á eldra framlag Hallgríms, Undir regnbogann (í flutningi Ingós). En fyrir minn smekk er það ekki nógu afgerandi og ef til vill fulldanskt. Danskt er ágætt, en ég fíla það ekki í Eurovision, í þessari „hyggelig“ merkingu. Ég held að margir séu mér sammála og því tel ég ekki að þetta lag vinni á Íslandi. Mér finnst hins vegar ekki óhugsandi að það fengi sömu meðferð og Vinir Sjonna í Eurovision; kæmist í gegn en skoraði lágt í lokakeppninni.
Ég á líf:
Að mínu mati er Örlygur Smári eini Íslendingurinn sem kann að semja og/eða pródúsera alvöru (sænskt) schlager-Eurovision-popp! Það voru mér því mikil vonbrigði þegar ég heyrði fyrstu tóna lagsins Ég á líf, og má segja að vonir mínar um að að geta dansað við íslenska framlagið á Euro-klúbbnum í Malmö hafi horfið inn í ljósan, rennisléttann makkann á hinum ágæta söngvara, Eyþóri Inga.
Ég hef heyrt það útundan mér að fólki þyki lagið fallegt, og ég er viss um að það slær á einhverja strengi hjá þeim sem til dæmis fíla Villa Vill og lög eins og Bíddu pabbi. En bíddu nú hægur pabbi og þið hin, því ég er nokkuð viss um að ef þetta lag fer til Malmö þá verði ekki mikil sala á grillvökva laugardaginn 18. maí, því það verða engin partý. Ég held meira að segja, svei mér þá, að engum síðhærðum, ljóshærðum rokkara hafi gengið vel í Eurovision, þótt ég muni eftir þó nokkrum slíkum.
Ég held hins vegar að þetta lag verði í topp 3 hér á Íslandi, og eigi jafnvel möguleika á að vinna. En ég vona ekki.
Meðal andanna:
Birgitta á að mínu mati hrós skilið fyrir það að þora að vera svolítið dramatísk og stórhuga. Atriðiði hennar er að mínu mati það eina í keppninni sem að einhverju leyti lítur út fyrir að vera alvöru Eurovision-lag og í nokkrar sekúndur getur maður næstum gleymt því við hversu þröngan kost þessi blessaða keppni er haldin.
Birgitta sjálf er líka auðvitað afar viðkunnaleg og hún hefur sýnt það áður að hún er ekkert of góð til að tapa, þrátt fyrir poppstjörnu fortíð sína.
Þessi atriði, það er Birgitta sjálf og framsetning atriðisins, gera það að verkum að ég tel að hún sé langlíklegust til að vinna á laugardaginn. Lagið sjálft finnst mér hins vegar ekki nógu sterkt eins og það er núna en ef það yrði endurhljóðblandað smá og ef enski textinn er flottur þá gæti það vaxið. Ég held þó að það myndi ekki nægja til að komast upp úr forkeppninni í Malmö og því til stuðnings bendi ég á lagið Nebo frá Króatíu í fyrra. Stemningin var keimlík en lagið mun betra, og söngkonan Nina Badic var stórstjarna á öllum Balkanskaganum. Hún hafði samt ekki erindi sem erfiði og það sama tel ég næsta víst með okkur.
Til þín:
Það vantar ekki að Jógvan sé sjarmerandi og lög Sveins Rúnars eru oftast nokkuð góð ef maður hlustar vel. En stundum ekki nógu afgerandi og það finnst mér líka þarna. Það er erfitt að setja fingurinn á það hvers vegna en þetta lag fangar engan veginn athygli mína og ég held líka að það hefði verið betra hefði það ekki verið dúett, án þess að ég hafi nokkuð á móti Stefaníu. En ekki gefast upp Jógvan, þú skalt fá að fara seinna!
Vinátta:
Halli Reynis setur mig í smá flækju. Staðreyndin er sú að mér finnst lögin hans bæði falleg og grípandi. Mér finnst framsetningin með frænkurnar á kantinum líka mjög aðlaðandi og einföld. Hann er líka sjálfur mjög vinalegur og greinilega mjög fær lagahöfundur.
En… af hverju vill maður helst ekki að hann fari í Eurovision? Ef mér finnst þetta ætti útlendingum þá ekki að finnast það líka?
Það er líklega ástæðan. Hann er svo hógvær og sveitalegur að manni finnst bara illgjarnt að fórna honum á glimmer- og lcd-altarinu. Ég vil endilega að hann haldi áfram að semja tónlist og spila á Rósenberg, og myndi jafnvel mæta, en þetta er ekki hliðin sem mig langar að sýna á Íslandi í Eurovision. Meira til heimabrúks.
Hins vegar finnst mér hann vera sá keppandi sem líklegastur er til að koma á óvart og ef hann lendir í einvígi á mót einhverju umdeildu þá finnst mér ekki óhugsandi að fólk hugsi bara: Fokk it. Leyfum honum að fara!
Ef svo færi þá held ég að hann gæti svolítið horfið á sviðinu í Malmö, en líkur Íslands á að komast áfram í ár eru hvort sem er næstum engar.
Ég syng:
Unnur sjálf er tvímælalaust það ferskasta í keppninni í ár enda er hún fyrsti Íslendingurinn á eftir Selmu Björns til að geta bæði sungið og dansað, og það bæði í einu.
Og ég held að það sé ekki henni að kenna, heldur laginu, að mér finnst ég næstum vera að horfa á Sollu stirðu. Lagið er svakalega barnalegt, og þótt ég sé alveg hrifinn að miklu sápukúlupoppi þá finnst mér þetta ganga aðeins of langt í því. Svona lög geta orðið mjög erfið þegar maður hefur heyrt þau oft. Textinn minnir mig á tómenntakennarann minn úr grunnskóla sem var alltaf að reyna að semja lög á „unglingamáli“.
Ég held hins vegar að ef atriðið yrði tekið í gegn (til dæmis ef bakraddirnar væru látnar taka nokkur spor líka) þá sé þetta það lag sem á bestan séns á að komast í gegnum forkeppnina í Svíþjóð. Ég myndi líka hafa mjög gaman af því að sjá hversu mikið Unnur getur gert, og því get ég stutt þetta sem sigurvegara. Hvernig sem fer þá held ég að keppnin sé á milli Unnar og Birgittu í ár.
Unnur á seinna undankvöldinu á laugardaginn var. Mynd frá FÁSES.
Lagið Ég syng! í flutningi Unnar Eggertsdóttur eftir Elízu, Gísla og Ken tekur sviðið síðast framlaganna sjö.
Kostir:
Gallar:
Möguleikar alls í Söngvakeppninni: Þar sem lagið er síðast á svið hlýtur það að ýta vel undir möguleika þess að blanda sér í toppslaginn, ásamt grípandi laglínu og sjónrænni skemmtun.
Möguleikar í Eurovision sjálfri: Einhvern veginn höfum við það þó á tilfinningunni að þrátt fyrir hressleika og vera grípandi á sinn hátt, þá muni lagið ekki verða til stórræðanna í Malmö.
Flosi Jón Ófeigsson ætti að fara vera lesendum AUJ kunnugur. Hann hefur skrifað nokkra pistla fyrir okkur, einkum frá Bakú í fyrra auk þess sem hann var einnig með Gestaálit í fyrra. Flosi er líka einn af stofnendum og stjórnarmaður í FÁSES. For those who do not understand Icelandic, Flosi has provided a short summary in English!
Ekki líta undan – Magni
Það er ekki einu sinni hægt að segja allt er þegar þrennt er hjá honum Magna því hann er búinn að reyna svo oft. Hann hefur oft verið með betri lög en þetta og ég skil ekki af hverju menn eru að bjarga lagi sem fólk kaus ekki inn í úrslit. Hann er pottþéttur söngvari og mun gera þetta vel að vanda en mun ekki berjast um sigurinn í ár, því miður. Hann á svo sannarlega skilið að vinna einn daginn þegar hann fær rétta lagið. Þetta lag einhvern veginn kveikir á engu nema lannski byrjunin, elska svona dramantík sem er náttúrulega must í svona eurovision-rokklagi.
—
This is not the strongest rock song that Magni has performed in Eurovision and I am afraid the computer will say no to him. It is just a mellow rock ballad that doesn’t go anywhere. Magni will do it well as usual but won’t be winning this year. I like the beginning of the song, I am a sucker for dramatic starts like Never Forget.
Lífið snýst – Svavar Knútur og Hreindís Ylva
Jæja, góðan daginn. Falleg melodía en einhvern veginn náði ekki að kveikja strax á Eurovision-skapinu mínu. Því meira sem ég hlustaði á þetta þá varð þetta þetta svona guilty pleasure-lagið mitt. Ég mundi aldrei viðurkenna að ég fýlaði lagið. Þegar ég sá lagið þá var þetta svona Vinir Sjonna-fílingur, happy happy joy joy, sem er kannski ástæðan af hverju það komst áfram þar sem það eru allt of mikið af neikvæðum umræðum í þjóðfélaginu í dag og ekki veitir af svona lagi í útvarpið. Það er líka svolítill Portúgal 2009-fílingur í þessu, léttir á hjartanu og maður fer að dilla sér án þess að taka eftir því. Til dæmis meðan allir í vinnunni hjá mér tala um hve hræðilegt lagið er, þá er ég með hægri löppina á fullu undir skrifborðinu án þess að nokkur maður sjái að ég fíli lagið. Það sem veldur áhyggjum mínum er fluttningurinn á föstudaginn, hann var ekki góður og mér fannst Svavar og Hreindís ekki vinna vel saman og ef ég væri höfundurinn mundi ég skipta Hreindísi út fyrir aðra eða hreinlega að láta Svavar syngja lagið einan. Þau voru líka fölsk á köflum þannig að sennilega verður þetta bara til að létta andrúmsloftið á kaffistofunum. Það fer alveg eftir flutningnum hvort þau eigi sjéns.
—
This is my guilty pleasure song. I would never admit that I like this song in public, but when my work colleges are talking about how horrible this song is, I am shaking my body and moving my legs under the table so no one can see. It could do well in the final but I was disappointed with the live performance and I honestly think that Svavar should just be alone and perform the song. Hreindís is sweet but has nothing to keep up with the energized happy Svavar which makes you want to sing and dance. We need this kind of a song in Iceland because the discussion in the media has been so negative these days that this will light up many cafeterias and offices and put a smile on the cashier in 10/11. Could be the dark horse of the competition.
Ég á líf – Eyþór Ingi
Ég verð að viðurkenna að þegar ég heyrði þetta fyrst var ég ekkert voða spenntur en fannst þetta samt með því besta í ár sem segir margt um hve slök keppnin er í ár. Það var ekki fyrr en ég sá Eyþór á sviðinu sem ég varð algjörlega heillaður og aðdáandi þessa lags númer 1. Eyþór breytti þessu lagi í klárlega sigurlagið að mínu mati og ég fékk meira að segja gæsahúð. Þetta er svona samanbland af You raise me up með Josh Groban og týpísku írsku Ronan Keatin- lagi. Þetta er einfalt lag en eins og ég hef áður sagt, less is more. Ég held samt að ef hann vinnur þá væri ekki slæmt að að setja landslið bakradda bakvið hann og Grétu Salóme á fiðluna. Þá mun þetta gera góða hluti úti miðað við það sem komið er til Malmö. Frábær söngvari á ferð og flottur karakter. Hann syngur ekki bara lagið heldur túlkar hann textann með sinni reynslu frá leiklistinni. Ég verð mjög svekktur ef hann verður ekki í tveim efstu sætunum.
—
I have to admit when I heard this song for the first time, I wasn’t that impressed but I thought it was one of the best song this year, which underlines the lack of good songs this year. It wasn’t until I saw Eyþór sing it on TV, that I fell in love with the performance and therefore the song. During his performance I completely fell for how Eyþór managed to tell the story and he gave me goosebumps with his powerful voice. I find this little bit mixture of Josh Groban You raise me up and some classic Irish pop song from Ronan Keating. For me this is a clear winner and will do well in Malmo compare to the songs that have been chosen so far. I think it will be strong to have backing vocals and Greta Salome on the violin in the act. I will be disappointed if it doesn’t win.
Meðal andanna – Birgitta Haukdal
Drungaleg og þjóðleg byrjun á lagi Birgittu fer vel í mig en svo er eins og púðrið fari bara og þetta verður svona meðal lag. Eftir að hafa séð Birgittu á sviði þá vissi ég að hún mundi komast áfram og vel það. Hún verður í bráðabananum og er sterkur kandidat að vinna, spuning hvort baráttan milli hennar og Eyþórs verði til þess að Unnur nái titlinum? Lagið er vel samið og vel flutt og mjög flott á sviði. Það er vel skipulagt en röddin hjá Birgittu er kannski svoldið veik meðað við hversu mikið dívulag þetta er. Hún syngir það vel en einhvern veginn hverfur röddin í drungalegu tónunum sem eru í gegnum lagið. Bakraddirnar setja stóran sess í flutningum og ég verð að segja aðég er að fýla þær í botn, hvernig þær hafa áhrif á steminguna á sviðinu.Flott lag og er eitt af lögunum sem ættu möguleika að komast áfram í Malmo.
Dark and Traditional beginning of the song captured me at my first listening but the more I heard it just turned into this typical mello Eurovision Ballad. Birgitta completely changed my opinion on the song after I saw it live. She sang it well and I loved hoe she and the backing singers create this dark atmosphere which follows this song. Her beautiful soft voice has the tendency to disappear in this big DIVA song, It reminds me og WHAT IF that Chiara sang for Malta in 2009. She will be in top 2 for sure and we will see if she will be in Malmo, I think should do a great job
Til þín – Jógvan og Stefanía
Það er alltaf gaman að sjá Jógvan á sviði og á þessu sinni í dúett með Stefaníu. Því miður er þetta ekki að virka fyrir mér þar sem mér finnst þau ekki klikka saman og einhvern vegin voru bara hvort í sínu horninu á sviðinu. Ég vona í framtíðinni að Jógvan fái að syngja á færeysku, það yrði þá í fyrsta sinní sögu Eurovision ef ég man rétt. Lagið er bar svona melló lag sem skilar alveg sínu en skilur ekkert eftir því. Ég einhevrn veginn er búin að gleyma laginu um leið og ég er búinn að hlusta á það. Held að það hefði ekki komist áfram ef það hefði verið á föstudeginum. Mun ekki blanda sér í toppinn en þau munu skila sínu vel og geta farið sátt heim.
—
It is always nice to see Jogvan on stage. He is sweet an performs well. This time he has a difficult task to try to connect with Stefnía, and they fail completely and they are just singing in the corner of the stage. Because of that you don’t really believe the word of the song and it turns into a nice middle Eurovision songs that won’t go anywhere in Malmo.
Vinátta – Halli Reynis
KK er mættur á svið með tvær dömur sem props, eini munurinn er sá að KK er með lög sem allir landsmenn þekkja og muna eftir. Þetta er pissupásu lag og jafnvel hitar maður sér kaffi líka bara til að vera viss um að lagið sé búið þegar maður sest við skjáinn. Að Halli skuli vera í úrslitun en ekki Erna er skandall. Þetta lag er svona svo ég sletti by far lélegasta lagið í úrslitunum og ég vona að það fái ekki mörg atkvæði, ég trúi ekki að Íslendingar kjósi þetta áfram í bráðabanann.
—
What can I say, I am in shock. I can’t believe he is in the final and Erna Hrönn is not. He is probably a nice guy but the song is clearly the weakest link of this final. This will be my pee break and also coffee break to make sure it will be done when I am back.
Ég syng! – Unnur Eggerts
Ég hef verið hrifin af þessu lagi síðan ég heyrði það fyrst og það er í miklu uppáhaldi hjá mér. Það er hressandi og svona Regínu Ósk fýlingur í laginu og auðvelt að raula með. Hún söng það bara býsna vel á laugardaginn og var stutt vel af frábærum bakröddum og skemmtilegum danssporum. Hún Unnur var lífleg og rosalega skemmtileg á sviðinu. Þetta er svona unglings stúlkulag sem fær mann til að dansa og að mínu mati var þetta besta atriðið ef maður horfir á allan pakkann. Ég veit ekki hvort hún mundi höndla pressuna ef hún færi til Malmo en það gæti alveg farið svo að hún fari, hún er sæt, syngur vel og er flottur dansari. Ég tel að baráttan verði milli Unnar, Birgittu og Eyþórs. Ég held samt að Birgitta og Eyþór hafi samt meiri stuðning og því verði hún ekki meða tveggja efstu nema að allar ungligsstúlkur taki sig til og kjósi hana, þá verður hún í efstu tveimur sætunum. Held samt að Birgitta steli aðeins af henni. Þetta væri eina lagið sem væri hægt að dansa við á Euroklúbbunum í Malmö án þess að setja Techno takt við lagið.
—
This is the song I liked from the beginning and was excited to see live. It reminds me of a song of Regina, happy teenage girl song with dance and it doesn’t hurt that she has the national team of backing female singers with her as well. She is young so I am afraid that Malmo would be little bit too much but who knows if she has a great team behind her and supporting her. It was the best performance of Saturday and will for sure be one of the songs fighting for the two places to win this year. She has the only upbeat song which might help her in the end. I would be happy to see he win.
Halli Reynis á laugardaginn var. Mynd frá FÁSES.
Halli Reynis mun flytja lagið sitt, Vináttu, næstsíðastur í röðinni á laugardaginn.
Kostir:
Gallar:
Möguleikar alls í Söngvakeppninni: Halli hefur sýnt það áður að hann getur vel náð árangri í þessari keppni. Það verður þó að teljast ólíklegt að hann nái í toppslaginn einkum vegna þess að verið er að velja framlag í Eurovision.
Möguleikar í Eurovision sjálfri: Þar sem lagið er ekki sérlega grípandi strax við fyrstu hlustun eru líkurnar á að það gleymist talsverðar og kæmist því líklega ekki áfram upp úr undankeppninni.
Annað og þriðja gestaálit okkar í dag kemur frá systkinunum Braga og Sigrúnu Skaftabörnum. Þau verða seint talin helstu júróvísjon-aðdáendur Íslands en hafa þó gjarnan skemmtilegar skoðanir á lögunum og keppninni! Hérna kemur þeirra samantekt á Söngvakeppnislögunum í ár:
Ekki líta undan – Magni
Bragi: „Magni gerir afskaplega gott úr þessum þremur nótum sem lagið er samansett úr. Það er nú samt sem áður þannig að einfaldleiki laga í Eurovision hafa ekki endilega neikvæð áhrif á gengi þeirra. Lagið sjálft hefur ágætis ris og krafturinn í röddinni hans Magna fær að njóta sín í gegnum lagið. Ég var hissa á því að lagið kæmist ekki í gegnum símakosninguna þar sem slakari lög komust í gegn. Það er hugsanlegt að þetta sé lag sem eigi eftir að draga fólk til sín á lokakaflanum en það á varla eftir að vinna, lagið er full rokkað til þess og það er eins og slík lög eigi ekki almennilega upp á pallborðið hjá áhorfendum keppninnar. Ef laginu skyldi nú takast hið erfiða verk að komast í úrslitin þá er aldrei að vita hvað gæti gerst. Eftir að hafa hlustað á lagið margoft er enginn augljós „hook“ til að grípa mann. Það gæti verið akkilesarhællinn en að því sögðu þá gæti þessi tónlist höfðað til breiðari hóps en virðist við fyrstu sýn. Býst samt ekki við neinum stórvirkjum.“
Sigrún: „Lagið byrjar eins og eitthvað seiðandi miðausturlenskt lag en er fljótt að missa þessa töfra og verða jafn áhugavert og skál af Cheerios að mánudagsmorgni, sem er svo sem í lagi. Lítið að Cheeriosi, sérstaklega með hunangi. Þetta er hins vegar full dauft. Gerð er hálf árangurslaus tilraun lagahöfundar til þess að rokka upp lagið með grimmum rafmagnsgítar en er ekki að gera sig… Sorry með mig en þetta fer ekki langt.“
Lífið snýst – Svavar Knútur og Hreindís Ylva
Bragi: „Dillirófulagið í þessari keppni. Vel pródúserað fílgúdd lag sem hljómar eins og fínasta flaueli sé strokið við hlustir manns. Svavar syngur lagið áreynslulaust og er umkringdur fagmönnum í hverri stöðu, það heyrist frá fyrsta tóni. Lagið sjálft er vel kaflaskipt og kemur nokkuð á óvart í úúúú-kaflanum, skemmtileg brú þar á ferðinni. Afskaplega gaman að heyra í plokkinu á bakvið og bjöllunum. Allt saman passar vel saman en spurning hvort lagið sé of látlaust. Það mun þá koma í ljós. Að mínu mati besta lagið í keppninni en hérna er ég samt hlutdrægur þar sem tengsl mín við Svavar Knút eru meiri en við þá sem koma að öðrum lögum. Lagið gæti komið á óvart í Malmö og ef farið er út á ystu nöf í getgátum þá gæti það náð í topp tíu í úrslitunum. Það gæti líka gleymst algerlega. Svavar Knútur er hins vegar búinn að heita því að syngja á íslensku ef hann er kosinn áfram. Það yrði ágætis tilbreyting frá enskuvælinu í öllum í þessari keppni. Húrra fyrir fjölbreytileika!“
Sigrún: „Þetta er eina lagið sem ég gæti hlustað á oftar en einu sinni í þessari keppni í ár, húrra fyrir því. Það er mögulega krúttlegasta og mesta feel good lag keppninnar.“
Ég á líf – Eyþór Ingi
Bragi: „Söngleikjalag keppninnar í ár. Mikið skín söngleikjaáhuginn og kunnáttan út úr söng Eyþórs. Það verður nánast óþægilegt á stundum. Líkt og lagið eigi að vera hluti af söguþræði. Stígur út úr hestvagni eftir að hafa kvatt sína heittelskuðu og er á leiðinni í stríð. Lagið stækkar hægt og rólega og endar í einni rjómapönnsu sem skellur á andlitinu með þunga músarinnar. Um miðbik lagsins er hálfskrítið móment rétt fyrir hækkunina sem kippir manni samt aftur á jörðina og gerir að verkum að maður fer að hugsa um eitthvað annað. Ekki of hrifinn af laginu sjálfu en flytjendurnir gera þetta eins vel og hægt er miðað við takmarkanir lagsins. Kæmi mér verulega á óvart ef lagið kæmist til Malmö en ef það kæmist þangað gæfist tími til að snikka það aðeins til. Ljónsmakkinn gæti svo hrifið eystri hluta Evrópu svo mikið að Ég á líf gæti átt sér framhaldslíf í seinni úrslitum. Lífið er fullt af óvæntum uppákomum.“
Sigrún: „Þetta er pretty og minnir mig á dönsk popplög, mjúkt og gott í gegn. Ekki mikið hægt að setja út á þetta lag, þetta er ultimate eurodúllupopp Það er greinilegt að Örlygur Smári og Pétur Örn hafa verið duglegir við að horfa á Eurovision, þeir skilja conceptið! Á vonandi eftir að gera góða hluti bæði hér heima og kannski… bara kannski úti.“
Meðal andanna – Birgitta Haukdal
Bragi: „Skotspónn fimmeyringanna þessa vikuna. Undirritaður hefur séð myndagátu með Andrési Önd og Panódíl boxi. Mjög gott. (grínið altso) Lagið er hin fínasta formúluprufa og Birgitta gerir þetta eins vel og hægt er. Í hreinskilni sagt kemur þetta lag bara svona fimm til fimmtán árum of seint til skjalanna. Sko, það væri hægt að skrifa einhverja hneykslunarvellu um þetta lag og kvabba yfir því að það er ekki nógu frumlegt og ekki nógu þetta og hitt. En svo er líka hægt að segja um þetta að það eru bara fullt af Eurovision-lögum sem taka þátt í úrslitakeppninni sem eru miklu verri en þetta og eru samin eftir svipaðri forskrift. Miðað við undanfarin ár hins vegar er ekki líklegt að þetta lag geri mikið úti en… það gæti komist út. Segir indíelektrófíkillinn.“
Sigrún: „Okei, áður en lagið byrjar vil ég commenta á nafnið á laginu… eða nei, ég ætla að sleppa því. Þetta lag skilur ekki mikið eftir, ágætis bakgrunnstónlist. Ég byrjaði nefnilega að skoða myndir á facebook og gleymdi að hlusta…. Kannski er ég full ómálefnaleg en lagið passar kannski ekki við tónlistarsmekkinn minn og því erfitt fyrir mig að dæma um það. Birgitta er góð söngkona og það heldur laginu uppi en ég er ekki frá því að röddin hennar hentaði betur jazzi. Hún er með flottan ráman karakter sem dýrasta viskí á erfitt með að ná. Býst ekki við miklu af laginu.“
Til þín – Jógvan og Stefanía
Bragi: „Jógvan, Jógvan, Jógvan…. næst syngurðu bara einn og við hin skulum bara lofa þér að þú keppir fyrir hönd Íslands. Nú má ekki misskilja og halda að Stefanía sé bara upp á punt í þessu lagi. Hún gerir þetta bara mjög vel. Það er bara minn fílingur að þau passi ekki saman. Mikið er þetta lag nú samt fínt. Það gæti verið pródúserað á fínan hátt og gert góða hluti úti. Fullt af jákvæðum krafti og stíganda sem gæti verið virkjaður til að lýsa nokkur herbergi í Hörpunni. Sjaldan klaufagangur í samsöng en ég er ekki að finna fyrir kemistríunni sem þyrfti að vera þarna á milli. Finnst líklegt að lagið verði á topp 3 og gæti vel komist út. Úti efast ég um að það komist langt en vonandi samt upp úr „milliriðlinum“. Annaðhvort leggst lagið vel í fólk eða gleymist. Ég legg samt frekar til að Jógvani verði bara leyft að syngja sjö lög næsta ár og svo veljum við hvaða lag fer út. Jógvan vill út.“
Sigrún: „Ég hef alveg Eurovision-trú á þessu lagi. Ekki margt um það að segja bara mjög formúlað og fínt hjá þessum dúói, gaman að sjá nýja söngkonu stimpla sig inn í keppnina.“
Vinátta – Halli Reynis
Bragi: „Þetta lag gæti orðið klassískur íslenskur gítarslagari. Hugsum um reykfylltan (það má reyndar ekki lengur) úthverfapöbb og kertaljósakvöld, eða snjóstorm á Vestfjörðum og húsið þar sem tilefni er til að hlusta á gamla geisladiskinn sem hefur hlýjað hjartarótum í þónokkur ár. Þetta lag á ekkert heima í Eurovision. En það er bara býsna skemmtilegt, svona miðaldra vagg sem mörgum finnst vera hið mesta yndi. Ef það kemst áfram þá týnist lagið er ég hræddur um. En það verður ekki laginu sjálfu að kenna.“
Sigrún: „Ég veit ekki með þetta sem Eurovision-lag; þetta er fínasta dægurlag, sé fyrir mér hóp af hestamönnum að spila á gítar og syngja með.“
Ég syng! – Unnur Eggerts
Bragi: „Hef heyrt þetta lag áður með stelpnabandi frá Englandi. Viss um það… Hlýtur bara að vera. Er það gott að fá þetta á tilfinninguna? Kannski, það laðar allavegana að og gerir það að verkum að maður nær laginu ekki úr heilanum. Sérstaklega er það þetta eilífa durururuddudururu sem herja á mann.Þetta er hins vegar eitt af fáum lögum í keppninni í ár sem er ekkert sérstaklega vel framkvæmt. Manni líður alltaf eins og hægt væri að gera betur. Hef svo sem voða lítið um þetta lag að segja, það gæti unnið. Finnst það meira að segja býsna líklegt ef litið er til vinsælda Blás Ópals í fyrra, þetta er ekkert svo ólíkt stemningunni í því lagi.“
Sigrún: „Þetta lag minnir mig pínu á eitthvað barnalag sem gæti verið með á Söngvaborg sungið af Siggu og Maríu, rosa krúttlegt og allt það en ekki beint spennandi. Eftir því sem á leið á lagið var það við það að gera mig snargeggjaða… Það gæti samt verið kostur. Óttast að við munum þurfa að halda með Elízu í maí.“
Jógvan og Stefanía á seinna undankvöldinu á laugardaginn var. Mynd frá FÁSES.
Þau Jógvan og Stefanía svífa fimmtu á svið á laugardaginn með annað lag Sveins Rúnars í keppninni, Til þín.
Kostir:
Gallar:
Möguleikar alls í Söngvakeppninni: Líkurnar á því að þetta blandi sér í toppslaginn verða að teljast þó nokkrar. Ef lagið kemst ekki í lokaeinvígið þá verður það næst á eftir.
Möguleikar í Eurovision sjálfri: Möguleikar lagsins á að komast upp úr undankeppninni lægju kannski helst í því að Jógvan er nokkuð þekktur í aðdáendaheiminum í gegnum þátttöku sína í Söngvakeppni Sjónvarpsins.
Í dag munum við birta samtals fimm gestaálit þar sem farið verður yfir lögin í úrslitunum á morgun. Laufey Helga Guðmundsdóttir, FÁSES-félagi og meðlimur í verkefnanefnd FÁSES ríður á vaðið!
Laufey og Eiríkur Hauks í íslenska sendiráðinu í Helsinki fyrir keppnina 2007
Ekki líta undan – Magni
Svolítið langt frá þrusugóða Hugarró frá því í fyrra. Ekki líta undan er aðeins of venjulegt lag fyrir Magna og grípur mann ekki við fyrstu hlustun. Mun því miður ekki gera neinar gloríur í Hörpunni.
Lífið sem snýst – Svavar Knútur, Hreindís Ylfa
Tröllabarnið með FÁSES-englinum eiga eftir að heilla landsmenn upp úr skónum með sömu sjarmatöfrunum og síðasta föstudagskvöld. Persónulega er ég mjög hrifin af laginu, tambúrínunni og gítarleleinu en held að það endi því miður ekki meðal tveggja efstu.
Ég á líf – Eyþór Ingi
Eftir fyrstu hlustun fannst mér þetta lag vera algjört drasl en eftir að hafa séð Eyþór Inga og lífið hans í undankeppninni var eitthvað sem náði mér. Stend sjálfan mig að því að raula þetta í tíma og ótíma þrátt fyrir að hafa ekki heyrt það oft. Spái þessu meðal efstu laga á laugardaginn – sérstaklega í ljósi þess að hægt verður að koma fyrir fiðlum á sviðinu í Malmö ef Eyþór tekur þetta.
Meðal andanna – Birgitta Haukdal
Birgitta er fagmaður og er með búninga, hár, meikup, ljós, bakgrunn, bakraddir og vindvélina á hreinu. Verst að lagið er ekki sem best! En Húsavíkurskvísan tekur þetta á Júró/Írafárs-fortíðinni og blandar sér í toppbaráttuna í Hörpunni.
Til þín – Jógvan og Stefanía
Hér á það sama við og um Eyþórslag. Eftir fyrstu hlustun var ég nokkuð vonsvikin en eftir frammistöðuna síðasta laugardag er ég svolítið skotin í þessum dúett. Þau koma mjög vel út á sviðinu saman og virka á mig eins og þau séu bara að gera þetta af því þeim langar til þess. Þetta er í topp þremur hjá mér.
Vinátta – Halli Reynis
Fínt útvarpslag hjá Halla Reynis sem því miður verður einungis til uppfyllingar í Hörpunni.
Ég syng – Unnur Eggerts
Solla stirða með eyrnaorminn! Fyrirfram myndi ég ekki spá þessu lagi lukku en melódían hefur allt að því sjúkleg dilli-áhrif á fólk ásamt því að Unnur er síðust á svið og því gæti þetta lag komið á óvart.
Ég held að Birgitta og Unnur Eggerts verði í tveimur efstu sætunum og spái því svo að Birgitta taki þetta á endasprettinum.
Allt um Júróvisjón/ All about Eurovision in Iceland 