Dagbókin hans Flosa í Bakú – í beinni frá Eurovision 2012

Flosi okkar er orðinn gríðarlega spenntur fyrir úrslitunum í kvöld:

„Gleðilegan Eurovision dag!

Jæja, þá er vikan á enda og stóra stundin runnin upp. Þetta er búið að vera hreint frábært í alla staði. Mig langar sérstaklega til að þakka þeim FÁSES-meðlimum sem komu með mér í þetta ferðalag. Við erum sko sannarlega búin að standa undir okkar nafni – og gott betur.  Við hjálpuðum að ná í alla miðana og láta hvern aðdáendaklúbb fá miðana sína. Við vorum svo fúl að allir kæmust ekki inn á Euroclub sem voru aðdáendur og búnir að ferðast langa leið og að engin Eurovision-tónlist hafi verið spiluð, þannig að fjórir meðlimir FÁSES skipulögðu OGAE-party sem var frábært. Það má geta þess að FÁSES-klúbburinn var samþykktur á árlega formannafundi OGAE-klúbbanna og gott  betur því að menn voru mjög hrifnir hvað klúbburinn er búinn að afreka á svo stuttum tíma.

Mig langar að segja ykkur sögu um íslenskan strák (mig) sem fór í langt ferðalag🙂 Þegar ég ákvað að fara til Baku þá var mikil óvissa með hótel og flug og svo framvegis. Ég tók mikla áhættu að panta flug í nóvember en það borgaði sig því ég borgaði helmingi minna en flestir vinir mínir. Mér leist ekkert á blikuna þegar enn var ekki hægt að bóka hótel í mars. Þá ákvða ég að taka smá áhættu og leita að fólki á netinu frá Baku til dæmis á Facebook. Eftir smá leit var ég farinn að spjalla við 2 stráka, annar að redda mér íbúð og hinn bara spjalla um Baku og svo framvegis. Hann Rahip reddaði mér ódýrri íbúð sem ég borga sambærilegt verð fyrir eina viku eins og ein nótt kostar á Hilton í Baku. Hér er enn eitt dæmið sem staðfestir  hversu almennilegt fólk er. Svo er það Orkhan eða Ori eins ég kalla hann. Ori er einn af vinalegustu og  fallegustu sálum sem ég hef kynnst í langan tíma. Hann rekur kaffihús í miðborg Baku með frænku sinni. Þau  buðu mig velkominn með mat og drykkjum og auðvitað þurfti ég ekki að borga neitt. Þetta hefur verið mitt annað heimili þessa viku  og allir mínir vinir voru velkomnir að koma við ef þá vantaði eitthvað. Ég hugsaði alltaf: Myndi ég gera þetta ef einhver ókunnugur kæmi til mín og vantaði aðstoð? Til að þakka honum fyrir bauð ég honum í crazy kvöld með Eurovision-aðdáendum. Hann mun skrifa fyrir mig upplifun sína, reyndar á ensku en ég hlakka til að heyra hvað hann segir um okkur Eurovision-nördana🙂

Hver vinnur í kvöld? Þetta er ekkert smá erfið spurning. Ég elska Svíþjóð; ekki bara lagið heldur hana sjálfa sem persónu. Hún hefur verið að hrista aðeins upp í blaðamönnum með því að snerta á mannréttindamálum. Þetta er hreinlega mín nostalgía þetta árið. Það eru lönd sem koma til greina sem eru rosalega sterk, Spánn, Ítalía og Rússland en hér kemur mín lokaspá og vil ég þakka öllum sem gáfu sér tíma að lesa um mína upplifun í Baku:

  1. Svíþjóð – Nostalgía
  2. Ítalía – Flott lag og Ítalía á marga vini
  3. Spánn – Þvílík rödd, Celine Dion er mætt á svæðið
  4. Serbía – Hann hefur reynsluna og Balkanlöndin á bak við sig
  5. Rússland– Krúttlegar og eiga salinn í Baku
  6. Rúmenía– Sumarsmellurinn í ár
  7. Aserbaídjan – Heimalandið er alltaf í topp 10
  8. Eistland – Fallegasta ballaðan og hann er með svaka rödd
  9. Kýpur – Að mínu mati besta dansatriðið í keppninni

Ísland – Þetta lag hefur allan pakkann og ég er sannfærður að þau verði svona í kringum 10 til 12. Þau eru búin að standa sig eins og hetjur. Áfram ÍSLAND!“

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s