Dagbókin hans Flosa í Bakú – í beinni frá Eurovision 2012

Flosi sendir hressan pistil frá gærdeginum:

Í aserskum strætó.

„Þá er fyrsti dagurinn á enda og ég er heldur betur búinn að lenda í ævintýrum. Ég fór í leit að strætó til að komast í Kristalshöllina. Ég spurðist fyrir og fékk fá svör þannig ég ákvað bara að stökkva á næsta strætó. Áður en ég vissi var ég kominn í vinnu hjá strætóbílstjóranum að taka við peningum og læra tungumálið hans. Það er víst ekki venjulegt að karlar séu í stuttbuxum hérna en bílstjórinn bretti bara upp buxurnar til að vera eins og ég. Ég smellti mynd af mér með honumsem þið sjáið hér.

Mér líður eins og einum af keppendunum hérna því að það eru allir að biðja um myndir með mér þar sem ég er sennilega sá eini frá Íslandi utan íslenska hópsins. Ég á ekki orð yfir hvað fólk er vinalegt og gæslan er svakaleg hérna. Mér finnst ég vera öruggari hérna á götum úti heldur en í Zurich þar sem ég bý. Ég labbaði með vinum mínum og fólki sem ég hef kynnst hérna í Baku meðfram Kaspíahafinu og þetta er hreinlega stórkostleg sjón, öll ljósadýrðin og ölduniðurinn… Það er kannski ekki alveg tíminn til að vera rómantískur en fallegt er hérna! Það er skrítið að vera skrifa þetta klukkan 3 um nótt þar sem það er 5 tíma mismunur hér og heima þar sem allt byrjar á miðnætti hér til þess að vera á tíma í Evrópu.

Fyrr í kvöld var lokaæfingin og ég og Lior meðlimur FÁSES skelltum okkur á æfinguna. Ég ætla að henda hérna inn hugleiðingum mínum um æfinguna og mun hann skrifa á ensku hvað honum fannst um æfinguna. Það verður spennandi að sjá hvort við erum sammála hver komist áfram:

Flosi – eini Íslendingurinn í Bakú (utan hópsins)

Lior vinur Flosa og FÁSES-meðlimur.

Svartfjallaland: Veit ekki hvað ég á að segja. Ég botna ekkert í þessu atriði og hann mun sjálfsagt fá stig frá einhverjum sem skilja þetta, en ég skil þetta ekki og þetta fer ekki áfram að mínu mati. Hræðileg byrjun á Eurovision.

Ísland: Frábært í alla staði, Jónsi virtist aðeins hanga á tónunum í byrjun en hann var fljótur að laga það og í heildina þá var þetta með betri atriðum kvöldsins. Þau fljúga áfram: spurning bara hvort þau verða síðasta spjaldið upp úr pottinum🙂

Greta og Jónsi á búningarennslinu.

Grikkland: Úff…. Það eru mörg góð popplög í þessari keppni og því miður er þetta eitthvað svo 2005-legt, sömu danssporin og  bara eitthvað svo gamalt. Þetta verður samt ofarlega og kemst í úrslitin, en ekki með mínu atkvæði.

Lettland: Flott atriði og góður flutningur. Ég er með þett a lag á heilanum og ég hef enga skýringua f hvejru því það virðist enginn vera sammála mér um að þetta lag sé gott. Þetta verður á mörkunum að komast áfram en því miður þá held ég að meirihlutinn segi nei og situr hún eftir með sárt ennið og nálægt að komast áfram.

Albanía: Já, ég verð víst að bíta í það súra og játa það að hún var stjarna kvöldsins að mínu mati. Þvílík rödd og tilfinningarnar sem geisla af henni þótt ég skilji ekki orð sem hún segir. Ég er sannfærður að hún komist áfram og vinni jafnvel dómaravalið, bara spurning hvar hún lendir í símakosningunni. Þetta er klárlega the dark horse 1. undanúrslitakvöldsins.

Rúmenía: Eftir dramatík og þunglyndi þá tekur sumarið við og Rúmenía syngur og dansar sig inn í úrslit. Þau eru skemmtileg og lífleg á sviði og fá fólk til að dilla sér.  Þetta er klárlega ofarlega í símakosningunni, spurning hvað dómaranir gera eftir að hafa froðufellt eftir Albaníu. Eru ekki allir búnir að læra dansinn?🙂

Sviss: Það er kraftur og orka sem fylgir bræðrunum frá Ticino í Sviss. Þeir geisla af öryggi og mig langar bara að byrja að hoppa í sætinu. Það er erfitt að segja til um hvað gerist með Sviss þar sem þeir eru svoldið einir á báti í dómarakosningunni. En ég held að framkoman og orkan komi þeim áfram en þeir eru á grensunni 9. til 12. sæti.

Belgía: Jæja, þarna er ég kominn í spreng og því gott að Belgía sé næst á svið og tími til að fara að pissa. Hún er voða sæt  og krúttleg og lagið bara ágætt. En það snerti engan og það festist ekki í höfðinu mér. Ég gæti ekki raulað það núna  meðan ég skrifa þetta þótt ég hafi séð það fyrir klukkutíma síðan. Ég sat fyrir aftan foreldra hennar sem eru voða stolt af stelpunni sinni en því miður er þetta ekki að virka og gott að  foreldranir verði hjá  henni þegar hún sér að hún er ekki að komast áfram.

Ísrael: Ég held að það jákvæða  við þetta lag er að sankvæmt drykkjukeik FÁSES er á maður að klára glasið ef það er minnst á frið, kærleik eða ást í laginu, sem er ekki í þetta sinn. Þannig allir að klára úr glösunum og fylla á🙂 Þetta er allt í lagi, þoli það ekki persónulega en það er viss sjarmi sem einhverjir munu fíla. Þetta er lag sem er á grensunni líka en kemst ekki áfram.

San Marínó: Það er aldeilis sem San Marínó ætlar að safna öllu í atriðið til að gera það hallærislegt og ljótt. Hver sagði þeim að setja dansarana í öskudagsbúninga? Þetta er lélegasta lagið og allt í kringum það í þessari keppni og verður það í síðasta sæti í undanúrslitunum. Tími Ralf Siegels er liðinn.

Kýpur: Að mínu mati eftir síðustu æfinguna í kvöld er Kýpur að fara að fljúga í gegn. Atriðið er vel skipulagt og besta popplagið í fyrri undankeppninni. Hún syngur vel og vinnur vel saman með dönsurunum. Ég hef mikla trú á Kýpur í ár og verður Kýpur í Topp 10 í úrslitunum. Gaman að fá Kýpur aftur með metnaðarfullt lag þar sem Kýpur var mikið í uppáhaldi hjá mér 1990–2000.

Danmörk:  Soluna stóð sig vel í kvöld og ekkert sem bendir til þess en hún fljúgi í gegn í úrslitin. Þetta lag er svona týpískt Bylgjupopp og mun sennilega vera spilað mikið á Íslandi. Held samt að hún fái ekki 12 stig að þessu sinni en allavegana 7. Danska poppið virðist virka vel á Evrópu og verður engin breyting á því í ár.

Rússland: Það trylltist allt þegar ömmurnar komu á svið og var þetta eina atriðið sem fólk stóð upp úr sætunum og klappaði allan tímann. Þetta er ekki minn tebolli en  þær eru svo sannarlega krúttlegar og mig langaði að knúsa þær allar. Ég er hræddur um að þær hafi jafnvel  möguleika að vinna allan pakkann. Það er bara spurning hvað dómararnir gera við þær. Ég spái að þær vinni fyrri undanúrslitin og verði í Topp 5 á laugardaginn.

Ungverjaland:  Þeir gerðu þetta með prýði í kvöld og skiluðu öllu vel. Vandamálið við Ungverjaland er að þeir eru hvorki góðir né slæmir. Þetta rennur ljúft niður en gleymist þegar næsta lag kemur. Mér finnst Sviss vera með betra lag. Þeir komast ekki áfram og verða í neðri kantinum.

Írsku tvíburarnir á búningarennslinu.

Austurríki: Austurísk karlremba í fyrirrúmi og FM-hnakkarnir mættir. Þetta er atriði sem ég á í vandræðum með hvort komist áfram eða

ekki. Mér finnst þetta vera svo mikið testosteron að ég æli bara þannig ég ætla að fara eftir minni sannfæringu og segja nei við Austurríki.

Moldóva: Lífleg og skemmtileg framkoma Moldóvu á sviði skilar því í úrslit. Mér finnst búningarnir æðislegir og framkoman mjög öðruvísi og ég elska þegar fólk er öðruvísi. Það kom mér á óvart hvað þau voru góð í kvöld því að þau voru svo léleg á fyrstu æfingunum.

Írland: Glaumgosanir standa svo sannarlega fyrir sínu með flotta framkomu og hræðilegan söng. Þessir 2 þættir virtust virka með þessum

flotta gosbrunni sem mér finnst mjög vel útfært hjá Írunum og ný hárgreiðsla skilar þeim áfram. Þetta er ekki lag sem ég mundi kjósa eftir að hafa heyrt lög eins og Ísland og Albaníu með frábærum söng og framkomu en þeir eru síðastir á svið og fara því áfram. “

4 thoughts on “Dagbókin hans Flosa í Bakú – í beinni frá Eurovision 2012

  1. Hafdís skrifar:

    Hvenær verða úrslit „riðlakeppninar“ birt? (og gleymdiru ekki uppáhaldslaginu mínu, Finnlandi, sem því miður komst ekki áfram?)
    Bestu kveðjur frá Austurríki, þar sem almenningur, eða allavega svona hinn hugsandi meirihluti, hefur tekið sig saman um að hata framlag þeirra sjálfra í ár. Þvílíkur karlrembuhroki. -Hafdís

  2. Ýrr skrifar:

    Finland var líka mitt uppáhalds, en samt spáði ég því ekki áfram….. Frábær pistill, gaman að fá þetta svona beint í æð frá Bakú! Hlakka til að heyra álit þitt á seinna kvöldinu!😀

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s