Að loknu Eurovision 2010!

Úrslitin eru ljós:

1	Germany	Lena	Satellite	246
2	Turkey	maNga	We Could Be The Same	170
3	Romania	Paula Seling & Ovi	Playing With Fire	162
4	Denmark	Chanée & N’evergreen	In A Moment Like This	149
5	Azerbaijan	Safura	Drip Drop	145
6	Belgium	Tom Dice	Me And My Guitar	143
7	Armenia	Eva Rivas	Apricot Stone	141
8	Greece	Giorgos Alkaios & Friends	OPA	140
9	Georgia	Sofia Nizharadze	Shine	136
10	Ukraine	Alyosha	Sweet People	108
11	Russia	Peter Nalitch & Friends	Lost And Forgotten	90
12	France	Jessy Matador	Allez Olla Olé	82
13	Serbia	Milan Stanković	Ovo Je Balkan	72
14	Israel	Harel Skaat	Milim	71
15	Spain	Daniel Diges	Algo Pequeñito (Something Tiny)	68
16	Albania	Juliana Pasha	It’s All About You	62
17	Bosnia & Herzegovina	Vukašin Brajić	Thunder And Lightning	51
18	Portugal	Filipa Azevedo	Há Dias Assim	43
19	Iceland	Hera Björk	Je Ne Sais Quoi	41
20	Norway	Didrik Solli-Tangen	My Heart Is Yours	35
21	Cyprus	Jon Lilygreen & The Islanders	Life Looks Better In Spring	27
22	Moldova	Sunstroke Project & Olia Tira	Run Away	27
23	Ireland	Niamh Kavanagh	It’s For You	25
24	Belarus	3+2	Butterflies	18
25	United Kingdom	Josh	That Sounds Good To Me	10

Kom mest á óvart: Að aðdáandi skuli hafa sloppið upp á svið í miðju spænska atriðinu svo að þeir þurftu að flytja það aftur! Og jú, að Hvíta-Rússland skyldi fá fullt hús yfir höfuð!!

Kom minnst á óvart: Að Ísland gæfi Danmörku 12 stig…

Gleðiefni kvöldsins: Eldfjallið á borðinu fyrir framan íslenska hópinn! Jú og setningin frá breska þulinum: „empty as an icelandic wallet“. Þetta verður fleyg setning!

Vonbrigði kvöldsins: Að sjálfsögðu eru mikil vonbrigði að hafa ekki náð hærra en íslensku flytjendurnir voru engu að síður frábærir: flutningurinn var óaðfinnanlegur og stemmingin í salnum ólýsanleg!

Við viljum að loknu Eurovision þakka alveg dásamlegar viðtökur við síðunni. Þið hafið verið að skoða síðuna yfir 1000-1500 sinnum á dag að undanförnu.

Hafið ekki áhyggjur, við höldum áfram að fylgja þessu eftir á næstu dögum.

Svo er það Berlín/Hannover/Hamborg á næsta ári! 🙂

SPÁ OKKAR FYRIR ÚRSLITAKVÖLDIÐ

Jæja það er komið að því sjálft úrslitakvöldið í júróvísjon 2010 er í kvöld! Við sitjum spenntar hér í press room og fylgjumst með síðustu búningaæfingunni fyrir kvöldið milli þess sem við spáum í spilin. Við veltum mikið fyrir okkur hvernig við ættum að setja spánna fram og niðurstaðan er sú að við munum setja fram tíu lönd sem við teljum munu verða í topp 10 en setjum ekki fram neina sérstaka röð. Svo munum setja fram þau fimm lönd sem við teljum verða í neðasta sæti. Þið getið því fundið út hvaða lönd við teljum verða í sætum 11-20 🙂

Topp 10 Alls um Júróvísjon.
Ísrael, Ísland, Grikkland, Azerbaidjan, Tyrkland, Serbía, Þýskland, Belgía, Moldavía og Írland.

Neðstu fimm sætin
Bosnía, Bretland, Hvíta-Rússland, Spánn og Portúgal.

Djöfladýrkandi Lena giftir sig en er ekki guð!

Þjóðverjar eru kannski minnst þekktir fyrir góðan húmor. Lena hin þýska afsannaði það þó á blaðamannafundi sem hún hélt í gærdag að lokinni fyrstu búningaæfingu fyrir úrslitakeppnina. Þar bullaði Lena í blaðamönnum eins og enginn væri morgundagurinn. Þættu henni spurningar leiðinlegar sagði hún það óspart og snéri því upp í brandara.

Lena hefur verið orðuð við tvo norska fola, þá Alexander Rybak og Didrik Solli-Tangen. Lena var spurð um samband sitt við Alexander á fundinum og sagði hún að þau væru par, hefði verið saman í þrjú og hálft ár og þau væru að fara gifta sig í sumar! Greinilegt er að Lena má ekki segja hvað sem er á blaðamannafundum því hún lét það út úr sér að hún elskaði hinn ísraelska Harel Skaat og meinti þá lagið hans og sagði svo ,,jæja þá veit ég hvað þið skrifið í blöðin á morgun!“

Það var einnig greinlegt að Lena fær oft sömu spurningarnar á blaðamannafundum. Ein þeirra snýr að enska hreimi hennar.  Á fundinum sagði hún að nú ætlaði hún að svara þessu í síðasta skipti og svo vildi hún ekki verða spurð framar þessarar spurningar. Svarið var í formi lags sem hinn þýski Stefan Rabb tóku saman. Lagið var No matter what með írsku hljómsveitinni Boyzone. Sungu þau lagið með sérlega ýktum þýskum hreim og með hressilegum texta sem fjallaði um hvort væri eitthvað betra að þau töluðu ensku með þýskum hreim!

Mikið var spurt um atriði Lenu og hvort hún ætlaði að breyta einhverju eða lýsa upp atriðið. Hún tók alveg fyrir að lýsa upp sviðið meira, atriðið yrði að sjálfsögðu eins, dimmt eins og sál hennar! Að lokum var Lena spurð um vinningslíkur sínar enda teldi þýska pressan að ef hún ynni ekki myndi Þýskaland aldrei vinna. Lena svarði stutt og laggott: ,,ég er ekki guð“.

Margir blaðamenn sóttu fundinn og var góð stemmning á fundinum öfugt við aðra blaðamannafundi sem haldnir voru í gær.

Slúðurhornið!

Langar ykkur ekki í smávegis Eurovision-slúður? 😉

Við höfum verið með fjögur eyru opin fyrir öllu slúðri og skemmtilegum staðreyndum og ætlum að láta nokkra punkta flakka hérna:

• Maltneska söngkonan Thea tók því ákaflega illa að komast ekki áfram úr undankeppninni og hefur verið óhuggandi síðan. Hugulsamir aðdáendur hafa þó tekið utan um hana og hughreyst á förnum vegi!
• Slúðrið hér í Noregi er að Didrik hinn norski hafi fengið taugaáfall fyrr í vetur og þurft að loka sig inn í hytte uppi í sveit til að jafna sig. Ástæðan ku vera sú að hann stóð í öllu fjölmiðlastússinu sjálfur og réði bara ekki við það!
• Við höfum heyrt því fleygt að Hera hafi fengið 80% þeirra atkvæða sem bárust í fyrri undankeppnina!
• Glowsticks múvið hennar Önnu Bergendahl hefur verið kennt um það að hún hafi ekki komist áfram á fimmtudaginn var. Þetta kann að hafa virkað hrokafullt og hin löndin spurt sig hvers vegna þau hafi ekki fengið svona sérmeðferð líka!
• Sá kvittur kom upp að Lena hin þýska talaði enga ensku sem er þó ekkert einsdæmi hérna. Þegar hún tróð upp á Euroklúbbnum talaði hún nefnilega bara þýsku. Hún kom hins vegar á óvart á blaðamannafundi í gær og talaði þessa líka fínu ensku!
• Eldfjallagrínið heldur áfram hér í Osló þrátt fyrir að hætt hafi að gjósa fyrir tæpri viku. Án þess að segja of mikið bendum við ykkur á að fylgjast vel með skotum úr græna herberginu í kvöld!
• Allar stelpurnar eru að missa sig yfir hinum ísraelska Harel og sæta moldavíska saxófónleikaranum. Við erum að hugsa um að kippa þeim með í poka! 🙂

Myndablogg í Osló 9

Hér ber að líta söngflokkinn sem sér um að hita salinn í Telenor höllinni upp fyrir útsendingar. Við héldum fyrst að þau yrðu aðeins fyrir fyrst undanúrslitakvöldið en svo er ekki. Þau koma fram fyrir öll kvöldin og æfa á öllum æfingum. Það er ekki laust við að við höfum fengið nett ógeð af þeim enda syrpurnar tvær sem þær syngja syrpa af leiðinlegum júróvísjonlögum (eða þeim tekst að minnsta kosti að gera þau leiðinleg í flutningi sínum) og svo syrpu ABBA-laga sem er eitt það þreyttasta sem hægt er að gera. Raunin hefur líka verið sú að þeim tekst illa að peppa upp stemminguna í salnum og bíða menn frekar eftir að hafa lokið sér af.  Búningarnir þeirra eru líka kapítuli út af fyrir sig! 

Júrónörd dagsins/ Euro-nerd of the day!

Síðasti júró-nörd dagsins á sjálfan úrslitadaginn í Eurovision 2010 er engin önnur en drottningin Sigríður Beinteinsdóttir, sem keppt hefur þrisvar fyrir Íslands hönd árin 1990, 1992 og 1994. Það er okkur mikill heiður að fá hana sem Júró-nörd 🙂

1. Hvert telur þú vera besta Júróvísjonlag allra tíma? Erfitt að velja besta Eurovision-lagið, en það vinsælasta er örugglega Waterloo með Abba.

2. Hvert er uppáhaldslagið þitt í keppninni í ár? Hef því miður ekki heyrt þau öll, en mér finnst norska og danska lagið vera mjög flott.

3. Hver er uppáhalds Júróvísjon-flytjandinn þinn? Get ekki svarað því, það hafa verið svo margir flottir í gegnum tíðina.

4. Áttu þér einhverjar Júróvísjon-hefðir? Ja… ef ég er ekki sjálf í Eurovision þá er ég að sjálfsögðu með Eurovision-partý.

5. Hvenær horfðiru í fyrsta skipti á Júróvísjon? Ég hef horft á þessa keppni með mikilli aðdáun frá því ég var svona 6 – 7 ára og óskaði þess alltaf að ég myndi fara í keppnina sjálf sem ég að lokum svo gerði, og ekki bara einu sinni heldur þrisvar sem aðalsöngvari!

6. Lýstu Júróvísjon í þremur orðum. Besti tími ársins !

__________________________________________________________________________

 

Our last Euro-nerd of the day is no other than Iceland’s Queen of Eurovision, Sigríður Beinteinsdóttir  or Sigga Beinteins as she is known. She went for Iceland in Eurovision in 1990, 1992 and 1994 and it is an honour for us to have her as the Euro-nerd of the day.

 

1. What is your all time favorite Eurovision song? It’s a little bit hard to chose the best song, but ABBA’s Waterloo is definitely the the most popular.

2. What is your favorite song this year? I haven’t heard all the songs, but I like the Norwegian song and the Danish.
3. Who is your all time favorite performer? I really can’t answer this, they have been so many through the years. 

4. Do you have any special Eurovision traditions? Well… if I am not compeeting in Eurovision I throw a Eurovision party.

5. When did you watch ESC for the first time? I have watch Eurovision with admiration since I was about 6-7 years old and I always wished that I could go and perform there myself which I eventually did, and not only once but three times as a lead singer!

6. Describe Eurovision in three words! Best time of the year!  

 

 

Eurobandið rokkaði á Latter

Í gærkvöldi hélt vefsíðan esctoday.com upp á 10 ára afmæli sitt hér í Oslóborg. Afmælið var haldið á klúbbnum Latter sem við höfum áður fjallað um hér og er klúbbur sem tileinkaður er Eurovision og er opinn almenningi. Í tilefni afmælisins höfðu forsvarsmenn ESCtoday fengið ýmsa júróvísjonflytjendur til að troða upp. Stærstu nöfn kvöldsins voru hið íslenska Euroband auk hinna norsku Bobbysocks sem unnu keppnina í fyrsta skipti fyrir Norðmenn árið 1985.

Klúbburinn var gersamlega stappaður og var mikill hiti þar inni enda var ákveðið að loka öllum hurðum út en stemmingin var samt sem áður gríðarleg. Afmælið hófst á því að Eurobandið steig á stokk og sungu nokkur velþekkt og skemmtileg Eurovisionlög af sinni alkunnu snilld. Það var greinlegt að Eurobandið er velþekkt enda var því klappað lof í lofa að loknum flutningi sínum. Á eftir Eurobandinu steig á stokk hin norska Christine Guldbrandsen sem söng Álfadans fyrir Norðmenn í keppninni 2006.

Norðmennirnir voru mjög hrifnir af henni en restin af klúbbnum virtist ekki vera í eins miklu stuði. Eurobandið steig svo aftur á stokk og flutti lagið sitt This is my life við gríðarlegar undirtektir salarins. Þau fluttu einnig þrjú lög frá því í keppninni í fyrra, Always frá Azerbaijdan, Dum tek tek frá Tyrklandi og loks Fairytale Alexanders Rybak við gríðarlegan fögnuð áheyranda.

Mikill spenningur var fyrir Bobbysocks og öllum að óvöru steig hinn sænski Christer Björkman á svið áður en þær stigu á stokk. Christer er líklega þekktastur á Íslandi fyrir að vera þáttastjórnandi þáttanna Inför Eurovision Song Contest sem um tíma voru samnorrænir þættir um júróvísjon. Færri vita kannski að hann söng framlag Svía árið 1992 sem hét I morgon är en annan dag. Það var einmitt lagið sem hann söng í gær.

Það ætlaði allt um koll að keyra þegar Bobbysocks stigu loks á svið. Við Íslendingarnir sem voru saman komnir urðum hins vegar fyrir gríðarlegum vonbrigðum. Þær sungu ekkert, heldur voru með allt á playbacki bæði spil og söng. Þrátt fyrir þetta var mikil stemmning í húsinu og allir sungu að sjálfsögðu með þegar þær mæmuðu vinningslagið sitt frá 1985 La det swinge.

Í heildinna var þetta fínasta afmælisveisla og við vonum sannarlega að esctoday.com  haldi áfram næstu tíu ár.

Fyrsta búningaæfing fyrir úrslit

Fyrsta búningaæfing fyrir úrslitin í Júróvísjon var haldin í Telenorhöllinn fyrr í dag. Æfingin var eingöngu opin blaðamönnum sem fjölmenntu svo um munaði. Allt um Júróvísjon slóst í för með útvarpsmanni Kanans til að kanna æfinguna og sagði honum á leiðinni frá einu öðru markverður um keppnina og spáði í spilin fyrir morgundaginn.

Æfingin gekk nokkuð vel og voru flestir flytjendur góðir í dag. Spenningurinn var að sjálfsögðu mestur fyrir stóru þjóðunum fjórum ogsigurvergurum síðasta árs, Norðmönnum enda þau þau einu sem ekki hafa komið fram á sviði hingað til. Af þessum stóru var Spánn fyrst á svið. Flutningurinn var mjög góður og atirðið líflegt á sviði en gæti virkað sem of mikið í sjónvarpi. Noregur steig á svið beint á eftir Spáni. Didrik var því miður ekki nægilega öruggur í flutningi sínum til að byrja með. Upphafskafli lagsins er sungin a capella og gæti því brugðið til beggja vona á morgun í þessum hluta. Næst í röðinni af stóru löndunum var breska lagið. Það er augljóst að Josh finnst gaman að vera á sviðinu og finnur sig vel það. Æfing hans var fín en hann er aðeins of óöruggur flytjandi til að geta gert þetta 100% á morgun.

Frakkar voru næst síðasti af stóru þjóðunum á svið. Það er mikið fjör í lagi þeirra en söngvarinn er eiginlega betri mjaðmadillari en söngvari. Dansararnir hans eru vonand betrir í einhverju öður en að dansa því þeir eru bara eins og þeir hafi sótt fyrsta dans tímanna sinn í gær. Vonandi fyrir Frakka nær Jessy upp stemmingunni þegar hann reynir það í höllinni á morgun því það var heldur vandræðalegt að enginn tók undir þegar hann gekk um sviðið og sagði hends up in the air! Lena hin þýska var svo síðust á svið af þeim stóru. Hún átti mjög góða æfingu, var eðlileg og söng vel.

Af öðrum þá kom Safura á óvart með afbragðs góðum söng, hún hefur líklega aldrei flutt lagið betur. Serbinn Milan var hress að vanda en viritist pínulítið ekki nenna æfingunni. Niamh hin írska virtist vera passa upp á röddina og lét bakraddirnar sínar taka alla erfiðustu tónnana. Albanía sem eru nr. 15 á svið áttu glæslega æfingu og var mikið power í flutningi hennar. Loks átti Harel Skaat hin ísraelski sem ekki flutti sitt framlag vel í gær allveg frábæra æfingu. Flutningurinn var algjörlega fullkominn og sýndi Harel nákvæmlega hvað í honum býr.

Hera stóð sig að sjálfsögðu vel eins og alltaf og skapaðist mikil stemmning yfir laginu hennar eins og fyrri daginn. Þar sem ekki var gott að taka myndir sökum fjarlægðar verða því engar myndir af þessari æfingu settar inn, bara myndir frá öðrum tækifærum.

Myndablogg frá Osló 8

 

Didrik Solli-Tangen, keppandi Norðmanna í ár hélt blaðamannafund fyrr í dag. Hann hóf fundinn á að lýsa því yfir hversu sjokkeraður hann væri yfir því að hin sænska Anna Bergendahl hefði ekki komist áfram í gær. Didrik virðist ekki vera leika neitt og reynir bara að vera hann sjálfur. Ein spurning sem Didrik fékk var hvernig honum hafði liðið þegar hann heyrði lagið í fyrsta skiptið. Hann sagði að hann hefði hlustað á það og hugsað með sér: Nei vá þetta er bara alveg ég og tók lagahöfundurinn undir að lagið væri algjör Didrik. Þannig að þá vitum við hvernig hinn bráðmyndalegi Didrik er!

Blaðamannafundur eftir annað undanúrslitakvöld

Annað undanúrslitakvöldið var haldið í gær eins og flestir vita. Tíu þjóðir komust áfram í úrslitakeppnina annað kvöld. Mörgum þóttu úrslitin koma á óvart og það er einmitt það skemmtilega við Júróvísjon: maður bara veit aldrei hvað gerist!

Að lokinni keppni héldur þeir tíu flytjendur sem komust áfram blaðamannafund. Þétt var setið í salnum líkt og á þriðjudagskvölið þótt önnur stemmning væri ríkjandi. Meiri losarabragur var á hópnum og áttu blaðamenn og aðdáendur á staðnum oft á tíðum erfitt með að hemja sig og fylgja reglum fundarins. Engin óreiða var samt og gekk fundurinn vel fyrir sig. Eins og áður spurði stjórnandi fundarins keppendur einna spurningar og mátti svo salurinn spyrja tveggja. Loks var svo dregið um sæti í úrslitunum.

Mesta stemmningin á fundinum virtist vera fyrir Ísrael og Armeníu. Margir voru staddir frá þessum löndum á fundinum og reyndu að halda uppi stemmningu. Stemmningin var þó ekki í líkingu við þá stemmingu sem grísku pressunni tókst að halda uppi á þriðjudaginn. Það var afar áberandi á fundinum í gær hvað margir flytjendur viltu nota tækifærið og þakka hinum og þessum fyrir. Flestir gerðu það við spurningu stjórnanda fundarins sem spurði alltaf hvernig hefði verið að standa á sviðinu. Vegna allra þakkanna sem flytjendur viltu koma á framfæri var lítið um svör við þessum spurningum stjórnandans. Margir fengu undarlegar spurningar og oft á tíðum vildu spyrjendur úr sal frekar segja eitthvað fallegt um keppendur en að spyrja þá alvöru spurninga.

Líkt og á fyrri fundinum komu upp spurningar um stjórnmál. Georgíski flytjandinn, Sofia var til að mynda spurð hvað hún vildi segja við georgísku þjóðina á þessum tímapunkti í ljósi þess að Georgía dró sig úr keppni á síðasta ári sökum deilna við Rússa. Sofia greyið vissi ekki alveg hvað hún átti að segja og svaraði því eingöngu til að hún væri þakklát og hún vildi þakka þjóðinni stuðninginn. Hinn ísraelski Harel Skaat fór diplómatíska leið þegar hann var spurður hinnar hálfpólitísku spurningar frá hvaða ríkjum hann vænti hárra stiga. Hann sagði einfaldlega að það skipti ekki máli hvaðan stigin kæmu, öll stig væru góð stig.

Það var áberandi hvað rúmensku og írsku flytjendurnir voru yfirvegaðir á fundinum og eðillegust. Þau tóku lífinu með ró, héldu ekki þakkarræðu eins og þau hefðu unnið Óskarsverðlaun og svöruðu misgáfulegum spurningum úr sal með prýði. Það er mat okkar að þar sé á ferðinni reynsla þeirra enda flestir aðrir flytjendur sem komust áfram að stíga sín fyrst skref í hinum stóra heimi tónlistarinnar.

Við vorum að lokum spenntar að sjá hvort hinn danski N’evergreen væri jafn svipbrigðalaus í raun og hann er á sviði. Svo varð raunin; hann brá varla svip né sýndi tilfinningar þegar hann sat fyrir svörum. Raunar virðist danska parið svo ósamstíga að þau geta illa svarað spurningum  saman og þurfa ávallt að svara hvort um sig ólíkt öðrum dúettum sem keppa í ár.

Eins og á fyrri fundinum drógu hvert land um sig númer sitt í röðinni í úrslitunum annað kvöld og getið þig lesið nánar röð laganna hér á síðunni.